Вьетнамнинг марказий вилоятларига 4 ноябрь, шанба куни ёпирилган тайфун 11 кишининг ҳаётига зомин бўлди, кўплаб одамлар бедарак йўқолган, дея хабар бермоқда «РИА Новости».
Хабар беришларича, кучли шамол Дананг шаҳри пляжлари ёқасидаги асосий кўчалардан биридаги реклама лавҳаларини учириб юборган.
Бу шаҳар 6—11 ноябрь кунлари Осиё—Тинч океани минтақаси иқтисодий ҳамкорлиги саммитига мезбонлик қилиши, шаҳарга, жумладан, АҚШ президенти Дональд Трамп, Хитой раҳбари Си Цзиньпин, Россия етакчиси Владимир Путин, Япония бош вазири Синдзо Абе ва бошқа кўплаб нуфузли шахслар келиши кутилаётган эди.
Маҳаллий маъмурият тайфун, сув тошқинлари ёки цунами юз бергудек бўлса, саммит иштирокчилари хавфсизлигини таъминлаш бўйича бир неча режаларни ишлаб чиққан. Хабар беришларича, Вьетнам марказий вилоятларидаги кучли ёмғир ва шамоллар яна бир неча кун давом этиши мумкин.
Изоҳ (0)