2 ноябрь куни Хюстоннинг «Астрос» бейсбол клуби тарихда илк марта Жаҳон сериясини ютиб олди, деб ёзади TJournal.
Шу муносабат билан 3 ноябрь куни шаҳарда чемпионлик паради бўлиб ўтди. Парадда бир неча ўн минг киши иштирок этди.
Клуб ишқибозлари севимли жамоаси яхшироқ кўриниши учун автотураргоҳнинг бир нечта қаватини эгаллади. Парад вақтида юқори қаватдаги аёл кепкасини пастга тушириб юборди.
This lady dropped her hat, and Houston came in clutch to get it back up to her #earnedhistory pic.twitter.com/1thxzO7B6i
— Æ (@AlanEnokian) November 3, 2017
«Астрос»нинг ишқибозлари кепкани эгасига қайтариш учун бирлашди. Улар бош кийимини пастки қаватдан юқори қаватга отиб, бир-бирига узата бошлади. Ишқибозларнинг ҳар бир муваффақиятли ҳаракати олқишлар билан қарши олинди. Бир неча уринишлардан сўнг кепка ўз эгасига қайтарилди.
Изоҳ (0)