2-noyabr kuni Xyustonning “Astros” beysbol klubi tarixda ilk marta Jahon seriyasini yutib oldi, deb yozadi TJournal.
Shu munosabat bilan 3-noyabr kuni shaharda chempionlik paradi bo‘lib o‘tdi. Paradda bir necha o‘n ming kishi ishtirok etdi.
Klub ishqibozlari sevimli jamoasi yaxshiroq ko‘rinishi uchun avtoturargohning bir nechta qavatini egalladi. Parad vaqtida yuqori qavatdagi ayol kepkasini pastga tushirib yubordi.
https://twitter.com/AlanEnokian/status/926558786827030528
“Astros”ning ishqibozlari kepkani egasiga qaytarish uchun birlashdi. Ular bosh kiyimini pastki qavatdan yuqori qavatga otib, bir-biriga uzata boshladi. Ishqibozlarning har bir muvaffaqiyatli harakati olqishlar bilan qarshi olindi. Bir necha urinishlardan so‘ng kepka o‘z egasiga qaytarildi.
Izoh (0)