АҚШнинг Калифорния штатида қиймати 1 миллион доллардан зиёд бир неча миллион асаларини олиб кетаётган юк машинаси йўл-транспорт ҳодиса (ЙТҲ)га учради. Бу ҳақда «РИА Новости» хабар бермоқда.
Ҳайдовчининг сўзларига кўра, катта йўлдаги ҳаракат бирдан тўхтаб қолган. Оқибатда у кескин бурилишни амалга ошириб, йўл ёқасидаги уюмга урилган. Бир неча юзлаб арихоналар ерга сочилиб кетган.
Асаларишунос Нейтан Смитнинг сўзларига кўра, авария тунда юз бергани ва шу заҳоти ёмғир бошланганидан келиб чиқилса, «асалариларни ушлаб қолишнинг ягона гуманистик йўли» — устидан кўпикли сув қуйиб, уларни ўлдириш эди.
Асаларилар Монтанадан Калифорния водийсига олиб кетилаётган бўлган. Улар водийда бодом дарахтларини чанглатиши лозим эди. Смитнинг сўзларига кўра, бу машинадаги жами ариларнинг қиймати 1—2 миллион доллар атрофида.
Изоҳ (0)