Америкалик эркак Дания ҳукуматидан Гренландияни сўради ва сўровига жавоб олди

Америкалик ChefShwasty тахаллусли блогернинг маълум қилишича, у бир куни спиртли ичимлик таъсирида Дания ҳукуматидан Гренландияни қарзга сўраган. Блогер Дания ҳукуматининг электрон почтасига хат йўллаб, у дўсти билан бирга мамлакатни ўзи учун мўлжаллаётганини айтган. ChefShwasty Гренландияни вайроналарга айлантирмасликка ваъда берган ва «гўзал дания халқи ҳеч нарсадан хавотир олмаслиги кераклиги»ни айтган, деб ёзмоқда Meduza.

Блогернинг айтишича, уни айнан нима Гренландияни танлашга мажбур қилганини эслай олмайди. Бунга кичик музлатгич ёнида турган глобус сабаб бўлган бўлиши мумкин. У Дания ҳукуматига Гренландияни қандайдир Хью Томассеннинг дастхатига, Xbox ўйинларига, иккита энергетик ичимлик ва Rolling Stone журналига алмаштиришни таклиф қилган.

Бир неча кундан сўнг блогерга худдики Дания ташқи ишлар вазирлигидан мактуб келган. Мактуб муаллифлари ChefShwasty’нинг мақсадларини мақтаган ҳолда, мамлакатни Xbox ўйинларига алмаштиришдан бош тортган.

Ўзини Дания ҳукумати деб тасаввур қилган кишилар ChefShwasty’га буни кичкина ишдан бошлашни ва мактаб ўқувчиларига инглиз тилини ўргатиш учун Гренландияга йўл олишни таклиф қилган.

Блогер мактубнинг Дания ТИВдан келганини исботловчи ҳеч қандай далил тақдим этмаган.