АҚШ президентлигига номзодини қўйган америкалик сенатор Рэнд Полга уюштирилган ҳужум тафсилотлар маълум бўлди. Воқеадан сўнг тузилган ордерда сиёсатчига унинг 59 ёшли қўшниси Рене Бучер ҳужум қилгани кўрсатилган. Эркакнинг анестезиолог бўлиб ишлаши ва тананинг орқа қисмидаги оғриқни қолдирувчи жилетни яратганлиги маълум, деб ёзмоқда «ТАСС».
Ҳодиса 3 ноябрь, жума куни кундузи сенаторнинг Боулинг-Грин шаҳридаги уйида юз берган. Полиция ордерида Бучер сенаторга ташланиб, уни ерга йиқитгани қайд этилган. Ҳужжатга кўра, сиёсатчининг юзида лат еган жойлар бор, бундан ташқари, унинг қовурғаси шикастланган ва нафас олиши қийинлашган.
Бучерни ҳодиса жойига етиб келган полициячилар қўлга олган. Унинг иши бўйича гаров пули беш минг доллар этиб белгиланган. Эркакка нисбатан Полга ҳужум қилганлик айби қўзғатилган ва бу маъмурий ҳуқуқбузарлик сифатида тавсифланади.
Полиция вакилининг маълум қилишича, сенатор ҳужум қилган эркакни шахсан таниган. Қайд этилишича, агар Бучерда қандайдир қурол бўлганида, унга нисбатан айб жиддийроқ бўлган бўларди. Жанжалга нима сабаб бўлгани ҳозирча номаълум.
Изоҳ (0)