Қибрай туманида яшовчи, нафақахўр Раиса Маринина ўзига тегишли боғдорчилик-узумчилик ширкатидаги дала-ҳовлисига ўғри тушгани ҳақида ариза билан мурожаат қилди, деб хабар берди Тошкент вилояти ИИБ матбуот хизмати.
1951 йилда туғилган аёлнинг маълум қилишича, ўғри дала-ҳовлига очиқ қолган дераза ойнаси орқали кирган ва умумий миқдори 1 600 000 сўм бўлган Nokia русумли уяли алоқа телефони, тюнер, аёллар қўл соати ва бошқа анжомларини ўғирлаб кетган.
Олиб борилган тезкор чора-тадбирлар натижасида ушбу жиноятни Тошкент шаҳрида яшовчи, вояга етмаган, 2001 йилда туғилган Рашид Довуров содир этганлиги аниқланиб, қўлга олинди. Ушбу ҳолат юзасидан Ўзбекистон Республикаси Жиноят Кодексининг 169-моддаси 2-қисми (ўғрилик) билан жиноят иши қўзғатилди. Терговни ИИБ олиб бормоқда.
Изоҳ (0)