Тошкент шаҳрида яшовчи, 1995 йилда туғилган Сайдали Абдухолиқов (исм-шарифлар шартли) Бекобод туманида истиқомат қилувчи тенгдоши Маҳмудали Яшнаровнинг ишончини суиистеъмол қилди. Бу ҳақда Тошкент вилояти ИИБ матбуот хизмати маълум қилди.
У 2014 йил апрель ойида Бекобод шаҳрида Маҳмудалига Малайзиядаги олий ўқув юртига ўқишга жойлаштириш учун ҳужжатлар топширишда ёрдам ваъда қилиб, 1500 доллар олади. Бироқ шу пайтгача на ваъдасини бажарди, на пулни қайтарди.
Ушбу ҳолат юзасидан Абдухолиқовга нисбатан ЖКнинг 168-моддаси 1-қисми билан жиноят иши қўзғатилди. Терговни ИИБ олиб бормоқда.
Изоҳ (0)