Тошкент туман ИИБга 1995 йилда туғилган Ихтиёр Навфалов ариза билан мурожаат қилган. Унинг аризасига кўра, жорий йилнинг 8 октябрь кунига ўтар кечаси номаълум шахс Тошкент туманида жойлашган қурилиши битмаган цехдан унга тегишли умумий нархи тахминан икки ярим миллион сўм бўлган трубалар, Akfa ромлари ва турли хилдаги қурилиш молларини ўғирлаган, деб хабар бермоқда Тошкент вилоати ИИБ.
Олиб борилган тезкор чора-тадбирлар натижасида ушбу жиноятни Наманган вилоятида яшовчи 1980 йилда туғилган Муҳсинбек Мадалиев содир этганлиги аниқланиб, ушланди. Ушбу ҳолат юзасидан унга нисбатан Ўзбекистон Республикаси Жиноят Кодексининг 169-моддаси 1-қисми билан жиноят иши қўзғатилган. Айни вақтда тергов ҳаракатлари олиб борилмоқда.
Келтирилган исм ва фамилиялар ўзгартирилган.
Изоҳ (0)