Москва вилоятидаги Электросталь шаҳри мэри маслаҳатчиси Дарья Туркина ўлдирилишини 40 ёшли Ўзбекистон фуқароси амалга оширди. Можарога таъмирлаш ишлари сифати борасидаги тортишув сабаб бўлди, дея хабар беради «Интерфакс».
31 октябрь куни Ногинскда номаълум шахс маст ҳолатда Дарья Туркина билан жанжаллашган ва бир неча бор пичоқ уриб, ўлдирганди.
«40 ёшли Ўзбекистон фуқароси қотиллик куни Туркинанинг уйига таъмирлаш ишларини бажариш учун маст ҳолатда келгани аниқланди. У ва Туркина ўртасида таъмир сифати масаласида можаро келиб чиққан ва шундан сўнг қотиллик амалга оширилган», — маълум қилди агентлик манбаси.
Қотилликдан сўнг муҳожир уйдан заргарлик буюмларини ўғирлагани ва наркотиклар харид қилиш учун сотиб юборгани аниқланди.
Ҳозирда терговчилар далил-исботлар тўплаш билан шуғулланмоқда. Эркак ўз айбини тан олди, 3 ноябрь, жума куни унга нисбатан айблов эълон қилинди.
Изоҳ (0)