АҚШ Миллий архиви 3 ноябрь, жума куни АҚШнинг 35-президенти Жон Кеннедининг ўлдирилишига боғлиқ янги ҳужжатларни эълон қилди, деб хабар берди «Интерфакс».
Эълон қилинган 676 ҳужжатнинг асосий қисми Марказий разведка бошқармаси (553 та ҳужжат), шунингдек, Адлия вазирлиги, Пентагон ва Вакиллар палатасининг қотилликни тергов қилиш учун тузилган махсус комиссияси томонидан келтирилган.
Хусусан, Кеннедининг қотили сифатида гумон қилинган Ли Харви Освалдни Собиқ Совет Иттифоқининг Мехикодаги элчихонаси билан телефон мулоқотлари ёзуви эълон қилинди.
Бу Кеннедининг ўлдирилишига боғлиқ бўлган ҳужжатларнинг АҚШ Миллий архиви томонидан июль ойидан бери эълон қилинган учинчи «порция»сидир.
Изоҳ (0)