Twitter компанияси ўз баёнотида АҚШ президенти Дональд Трампнинг аккаунти вақтинчалик ғойиб бўлиши сабабини тушунтириб берди, деб ёзади «Газета.ru».
«Бугун аввалроқ @realdonaldtrump аккаунти Twitter ходимининг хатоси туфайли тасодифан ўчириб қўйилган эди. У 11 дақиқага ишламай қолди, ва ўшандан буён у қайта тикланди», — дейилади хабарда.
Компания, шунингдек, бундай ҳолатлар бошқа қайтарилмаслиги учун текширув олиб борилаётгани ва чоралар кўрилаётганлигини таъкидлади.
Аввалроқ АҚШ президенти Дональд Трампнинг Twitter’даги аккаунти беш дақиқага ўчириб қўйилгани хабар берилган эди.