АҚШ Федерал қидирув бюроси (ФҚБ) саккиз кишининг ўлимига сабаб бўлган Нью-Йоркдаги теракт муносабати билан қидирувга берилган иккинчи ўзбекистонликни излаш ишларини тўхтатди. Бу ҳақда, ФҚБнинг Нью-Йоркдаги бўлинмаси вакили Уильям Суинига асосланиб, «ТАСС» хабар бермоқда.
«Биз ортиқ бу инсонни изламаяпмиз. Биз унда 31 октябрь куни юз берган ҳодиса билан боғлиқ ахборот бор, деб ҳисоблагандик. Бироқ биз уни ортиқ изламаяпмиз», — деди Суини.
Унинг қўшимча қилишича, вақтинча қидирувга берилган бу шахснинг қаерда экани аниқланган. ФҚБ томонидан аввалроқ эълон қилинган баёнотда теракт муносабати билан ўзбекистонлик Муҳаммадзоир Қодиров қидирилаётгани айтилган эди.
31 октябрь, сешанба куни Нью-Йоркда пикап минган эркак саккиз кишини босиб кетди. Маҳаллий маъмурият маълумотига кўра, автомобиль келиб чиқиши ўзбекистонлик Сайфулло Соипов томонидан бошқарилган. Ўз вақтида Флорида ва Нью-Жерси штатларида истиқомат қилган Соипов теракт вақти яраланган ва қўлга олинган.
Изоҳ (0)