Сурия қуролли кучлари ва унинг иттифоқдошлари томонидан амалга оширилган кенг кўламли ҳужумлар натижасида Дайр аз-Зор шаҳри ИШИД жангариларидан тўлиқ озод қилинди. Бу ҳақда Лондондаги Сурия инсон ҳуқуқлари мониторинги марказига таяниб, Reuters маълум қилди, дея хабар беради «Вести.ru».
Сурия ҳукумати мазкур маълумотни расман тасдиқламади.
Ал-Ҳамидия тумани озод этилганидан сўнг ҳукумат қўшинлари Шайх Ясин туманига ҳужумни давом эттирди. Ҳужумдан кўп ўтмай ИШИД мудофаасини ёриб ўтиш ва туманни қўлга олишга эришилди.
Шунингдек, армия бўлинмалари Абу-Адад, Ал-Бажи даҳалари ва Ал-Арди ҳамда Ал-Рашидия туманларининг катта қисмини эгаллади.
Ҳозирда Сурия армияси Дайр аз-Зорнинг 92 фоизини ўз назоратига олган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)