Манхэттенда содир бўлган нохуш ҳодисадан сўнг, ўзбек жамоатчилигининг маҳаллий раҳбарлари 1 ноябрь, чоршанба куни Шепсхед кўрфазида шаҳар мери билан учрашди. Бу ҳақда Brooklyn.news’га таяниб, Forum Daily хабар берди.
Бруклин бутун АҚШ бўйлаб ўзбек жамоатчилиги энг кўп истиқомат қиладиган шаҳарлардан бири ҳисобланади.
Бруклинда яшовчи, таниқли ўзбек фаолларидан бири бўлган Мирраҳмат Мўминовнинг айтишича, Соипов АҚШга кўчиб келганидан кейингина ўз қарашларини ўзгартириб, радикаллашган. Унинг сўзларига кўра, Соипов ўзини жамоатчиликдан ажралгандек ҳис қилган. Такси хизматига ишга кира олмагач, жаҳлдор бўлиб қолган.
Катон институтининг маълумотларига кўра, сўнгги 20 йил ичида АҚШга 40 мингга яқин ўзбек кўчиб келган ва уларнинг 2 фоизинигина ноқонуний келганлар ташкил этади.Вашингтон тадқиқот ташкилотидан бўлган политолог Дэвид Бирнинг таъкидлашича, 31 октябрь куни содир бўлган нохуш ҳодиса Ўзбекистон фуқароси томонидан АҚШда содир этилган биринчи қотилликдир.
Изоҳ (0)