Алишер Навоий номидаги Ўзбекистон давлат академик Катта театрида Шароф Рашидов қаламига мансуб «Икки дил достони» асари асосида саҳналаштирилган балет премьераси бўлиб ўтди. Бу ҳақда ЎзА хабар берди.
Шароф Рашидовнинг «Икки дил достони» асари дунёнинг кўп тилларига таржима қилинган. Мазкур асар асосида бадиий фильмлар суратга олинган. Асар асосида озарбайжонлик бастакор А.Меликов либретто яратган.
«Икки дил достони» балетини Ўзбекистонда хизмат кўрсатган артист, балетмейстер Шавкат Турсунов саҳналаштирган. Дирижёр Ўзбекистон Республикаси санъат арбоби Фазлиддин Ёқубжонов. Асарда бош ролларни Нодира Ҳамроева, Дониёр Хасманов, Улуғбек Олимов, Олга Собирова, Замир Фазлутов ижро этмоқда.
Изоҳ (0)