Қирғизистон президенти Алмазбек Атамбаев фармони билан мамлакат маданият, ахборот ва туризм вазири Тугелбай Казаков истеъфога чиқарилди. Бу ҳақда «РИА Новости» хабар бермоқда.
Вазирликнинг 1956 йили Боткен вилоятидан топилган IV—V асрларга мансуб қизнинг мумиёланган жасадини дафн этиш қарори Қирғизистонда катта шов-шувга сабаб бўлган эди. Жасад шу вақтгача шу Давлат тарих музейида сақланиб келган.
13 октябрь куни Қирғизистон олимлари қаршилигига қарамай, жасад Боткен вилоятига келтирилди ва мусулмон анъаналарига мувофиқ дафн этилди. Вазирлик буни экспонатнинг ёмон ҳолати ва Қирғизистонда уни тадқиқ этиш имконияти йўқлиги билан изоҳлади.
Президент Алмазбек Атамбаев журналистлар билан суҳбатда вазирликнинг мазкур қарорини «катта хато» деб ҳисоблашини билдирган эди.
Изоҳ (0)