Асал Шодиеванинг энг катта орзуси нима эканлигини биласизми?

MyDay сўнгги вақтда киноларда камнамо бўлиб қолган, ўз брендига асос солган ва мусиқага кўпроқ вақт ажрата бошлаган актриса Асал Шодиева билан қисқа суҳбат уюштирди.

Жуда мушкул

Мен учун бировни кулдириш жуда мушкул. Шу ишнинг уддасидан чиқа олмайман.

Кечирмайман

Сотқинликни асло кечирмайман. Ҳаётда кўп нарсани кечириш мумкин. Лекин сотқинлик асло кечирилмайди, деб ҳисоблайман.

Характерим

Талабчанман, айниқса ўзимга нисбатан ҳаддан ташқари.

Воз кеча олмайман

Оиламдан асло воз кеча олмайман.

Ҳузур бағишлайди

Мусиқа менинг жон-у дилим, менга ҳузур бағишлайдиган асосий нарса.

Ғашимга тегади

Аҳмоқлик ва омилик менинг ғашимга тегади.

Энг катта хатоим

Энг катта хатоим Консерваторияга ўқишга кирмаганим бўлса керак.

Мiel мен учун

Сўнгги пайтларда бор вақтим, ўй-хаёлларим Мiel билан боғлиқ. Мiel мен учун умид ва ишонч. Бу брендга асос солишимдан мақсад одамларга қувонч улашиш.

Энг катта орзум

Энг катта орзуларимдан бири Андреа Бочеллини кўриш эди, бу орзум ушалди. Яна бир катта орзум – Аль Пачинони кўриш.