Қозоғистон президенти Нурсултон Назарбоев Иордания қироли Абдулла II бин ал-Ҳусайнга ядро қуролига қарши курашдаги ўрни учун мукофот топширди. Бу ҳақда «Казинформ» хабар бермоқда.
«Биз ядро қуролига қарши курашда жонбозлик кўрсатганлар учун таъсис этган махсус мукофот биринчи бўлиб сизга тақдим этилмоқда. Бу хизматларингиз эътирофи ва Сурия, Ироқдаги уруш шароитида тинчликпарварлик вазифасини ўташда давом этишингиздан умид. Остона музокараларида ҳам мамлакатингиз катта рол ўйнамоқда. Сизга бу мукофотни топшириш мен учун катта шараф», — деди Назарбоев.
Ўз навбатида, Иордания етакчиси Қозоғистон президенти ва халқига мамлакати номидан чуқур миннатдорлик билдирди.
Маълумот учун, Иордания қироли Абдулла II айни пайтда Қозоғистонда расмий ташриф билан бўлиб турибди.
Изоҳ (0)