Ташлаб юбориш керак бўлмаган 4 буюм

Биз ташлаб юборишга одатланган энг оддий нарсалар ёрдамида турмушдаги кўпгина вазиятларни енгиллаштириш мумкин.

1. Қоғозлар учун канцелярия қисқичлари

Улар турли вазиятларда иш беради. Бундай қисқичлардан фойдаланишнинг энг оммабоп усулларидан бир нечтасини диққатингизга ҳавола қиламиз.

Ҳамён

Бу айниқса саёҳатларда, ўзи билан катта ҳамённи кўтариб юришни хоҳламаган пайтларда иш беради. Пулларни, банк карталарини бирга тахланг ва уларни қисқич билан маҳкамлаб қўйинг.

Фотосуратлар учун «рамка»

Қисқич ёрдамида суратларни деворга илиш ёки стол устига қўйиш мумкин.

Тиш пастасини сиқиб чиқарувчи

Агар паста кам қолган бўлса, тюбикни ўранг ва қисқич билан маҳкамланг — пастани бундай сиқиш осонроқ бўлади.

2. Алюминий фольга

Бу тенги йўқ нарса: фольга нам ва ҳидни ўтказмайди, юқори ҳароратга чидайди ва ҳар қандай шаклга кира олади.

Идишлар учун чўтка

Фольгани юмалоқ шаклга келтиринг ва уни идишлардаги тўпланиб қолган ёғлар ва куйиндиларни тозалаш учун ишлатинг.

Кумушни тозаловчи

Хира тортиб қолган кумуш тақинчоқлар ёки идишларни ичида сув қайнаётган ва фольга тўшалган шиша идишга солинг. Икки чой қошиқ туз қўшинг. Бир неча дақиқадан кейин кумуш буюмлар топ-тоза бўлади.

Қайчилар учун қайроқ

Агар қайчилар ўтмаслашиб қолган бўлса, улар билан фолга варағини кесинг.

3. Соуслар учун пластик идишлар

Кетчуп ва бошқа соусларнинг пластик идишларини ташлаб юборманг. Ошпазлар уларга ёғларни, ўзлари тайёрлаган соуслар ва зираворларни солиб қўядилар, чунки оғзи тор бўлгани учун ичидаги қўшилаётган суюқлик миқдорини назорат қилиш қулайроқ бўлади.

Бундай идишга сиз ҳам қуймоқлар учун тайёрланадиган суюқликни солиб синаб кўринг.

4. Эски футболкалар

Агар футболка кийишга умуман яроқсиз бўлса, ундан уйни тозалаш учун латта сифатида фойдаланинг. Пахта газлама чангларни артиш учун жуда мос келади.

Манба: Rambler Weekend