Агар сиз ўзингизга ёқадиган ишларингизни онгли равишда режалаштирсангиз, унумлироқ ишлайдиган бўласиз.
Сизга қувонч бағишлайдиган машғулотларга вақт топиш учун кундалик ишларингизни йиғиштириб қўйишингиз шарт эмас. Албатта, агар сиз ҳар сешанба куни тушликдан кейин велосипедда сайр қилишга чиқсангиз, бошлиғингиз бундан хурсанд бўлмайди. Ва табиийки, иш ишлигича қолади, у ҳар доим ҳам қувончли бўлавермайди. Лекин ўзингиз севган машғулот билан тушунган ҳолда мунтазам равишда шуғулланишингиз мумкин.
Бундай рўйхатни қандай тузиш керак?
Бугун кечқурундан бошласангиз ҳам бўлади. Ўтиринг ва сизга кўпроқ куч берадиган машғулотларни ёзинг. Бошида одатдаги ҳафта давомида сизга нималар қилиш ёқишини кўрсатинг. Аста-секинлик билан рўйхатни ошириб боринг.Агар хаёлингизга ҳеч нарса келмаётган бўлса, болаликдаги севимли машғулотларингизни эсланг. Ва ниҳоят, сизни қизиқтирган, лекин уларга вақт топа олмаган машғулотларни ёзинг. Масалан, рақс ёки аэробика.
Энди ҳаракатлар режасини тузиш қолди. Рўйхатдаги сиз келаси ҳафтада бажаришингиз аниқ бўлган бир-икки бандларни танланг ва уларни ишдаги вазифаларингиз билан бирга ўз календарингизга киритинг.
Масалан, сизнинг кундалик севимли ишларингиз рўйхати шундай кўринишда бўлиши мумкин:
- медитация қилиш;
- югуришга чиқиш;
- гитара чалиш;
- китоб ўқиш;
- қўшиқ айтиш;
- булутларни томоша қилиш.
Севимли машғулотлар рўйхати қувват олишга ва ҳар бир ўтган кундан завқланишга ёрдам беради. Шунда хизмат вазифалари ҳам унчалик оғир бўлиб кўринмайдиган бўлади.
Манба: «Лайфхакер»
Изоҳ (0)