Заковатнинг юқори даражаси одамнинг оқилона қарорлар қабул қилиш қобилиятига эга эканлигининг белгиси эмас.
IQ ҳаётдан қониқишга таъсир кўрсатмайди
Ақлли бўлиш нима? Одатда биз кўп нарсани билганлар ва оқилона қарорлар қабул қилувчиларни шундай таърифлаймиз. Лекин бу таърифнинг энг кенг тарқалган ақлни ўлчаш усули — IQ ни аниқлаш тестига ҳеч қандай алоқаси йўқ.Юқори интеллектнинг афзалликлари аниқ: ақлли одамлар яхшироқ ўқийди, иш соҳасида катта ютуқларга эришади, ўсмирлик даврида кўнгилсиз воқеаларга камроқ дуч келади. Шунга қарамасдан интеллект ҳаётнинг бошқа соҳаларини, хусусан бахт-саодатни олдиндан белгилаб бермайди.
Мактабдаги аъло баҳолар ёки ишдаги муваффақиятлар ҳаётдан ўта мамнунликка олиб келади деб ўйлаш мумкин, лекин олимлар IQ’нинг бунга таъсир кўрсатмаслигини исбот қилишди.
Кўпчилик интеллектни аниқлаш тестлари реал шароитларда қарор қабул қилиш ва бошқа одамлар билан биргаликда ҳаракат қилиш қобилиятини ўлчамайди.
Канададаги Уотерлу Университети психологи Игорь Гроссманн ақлли одамларнинг бемаъниликлар қилишининг сабаби айнан мана шу деб ҳисоблайди.
Танқидий фикрлашни эса бахт-саодат ва узоқ умр кўриш билан боғлайди.
Танқидий фикрлаш ва бахт-саодат
Танқидий фикрлаш — бу бизга оқилона ва мақсадга мувофиқ ўйлашга ёрдам берувчи малакавий билимлар тўплами, шунингдек бу малакаларни ишлата билиш қобилияти. Танқидий фикрловчи кишилар ҳамма нарсага ишончсизлик билан қарайдилар. Уларга ўз қарашларини исботлаш зарур бўлади.Турли мамлакатлар тадқиқотчилари, танқидий фикрловчилар ҳаётда нохуш воқеаларни камроқ бошларидан кечирадилар деган хулосага келишди.
Ва бу жуда яхши янгилик, чунки танқидий фикрлашни ривожлантириш ва яхшилаш мумкин. Демак бундан келиб чиқадики, ўз ҳаётини ҳам яхшилаш мумкин экан.
Манба: «Лайфхакер»
Изоҳ (0)