Тошкентнинг «Пахтакор» клуби Ўзбекистон Олий Лигасининг сўнгги икки турида баҳс ва мунозараларга сабаб бўлган ғалабаларни қўлга киритди.
25-турни Бухрода ўтказган «пахтакорчилар» мезбонлар устидан 2:0 ҳисобида зафар қучди. Учрашув вақтидаги воқеалар сабаб якунда «Бухоро» клуби 55 миллион сўм жаримага тортилди. Бунда бош ҳакам Шерзод Қосимовнинг мезбонлар дарвозаси томон белгилаган пенальтиси бир неча бор муҳокама қилинган бўлса-да, ЎФФ Ҳакамлар Қўмитаси унинг ҳакамлигини ҳозиргача кўриб чиқмади.
Ваҳоланки, айнан «Бухоро» стадионида кечган «Бухоро» — «Динамо» ўйини ҳаками Рустам Бобомуродов деярли шундай хатоси сабаб 2 кун ичида футболдан умрбод четлаштирилганди. «Пахтакор» ғалабасига сабаб бўлган пенальти тайин қилган Шерзод Қосимовнинг баҳсли қарорлари ўрганиб чиқилдими ёки йўқ — ЎФФ аниқ маълумот бермаган.
Футболдан четлаштирилган ҳакам Рустам Бобомуродов ўйинни ҳалол бошқаргани ҳақида айтди, у тушкунликда
Аввалроқ ЎФФ Ҳакамлар Қўмитаси бошлиғи Ноил Лутфулин ўз аризасига кўра ишдан кетгани айтилганди. Лутфулин раҳбарлигида 26-турга ҳакамлар тайин қилинган бўлиб, мамлакатнинг энг олди рефериси Равшан Эрматов Фарғонадаги оддий ўйинга жўнатиб юборилган бўлиб, кўпчилик кутаётган «Пахтакор» — «Бунёдкор» ўйинига Азиз Асимов тайинланганди. Учрашув арафасида Лутфулиннинг ўзи ариза ёзишга қарор қилди.Ҳакамлар Бошқармаси раҳбари Тошкент дербисигача ЎФФдан ўз хоҳишига кўра ишдан кетгани маълум бўлди
Тошкент дербисида ишлаган ҳакамлар бригадаси учрашув натижасига бевосита таъсир ўтказган хатоларга йўл қўйди. Бунда қанот ҳаками Дониёр Сайловов асосий ролни ўйнаб берди. Яъни, у бир марта тўп дарвоза чизиғини кесиб ўтмагани ҳолатида гол эълон қилди. Кейинроқ эса мезбонларнинг офсайддан урилган голини ҳисобга олди.«Пахтакор»нинг кетма-кет 3-ўйинида ҳакамлар можароси. «Бунёдкор» офсайддан урилган гол эвазига мағлуб этилди (видео)
Мазкур мағлубият сабаб «Бунёдкор» чемпионлик учун курашдан расман чиқиб кетди. «Пахтакор» эса кетма-кет икки баҳсли ғалабалар сабаб олтин медаллар учун курашда қолди.Ваҳоланки, Олий Лиганинг 24-туридан жой олган «Пахтакор» — «Қўқон—1912» ҳакамлари деярли шундай хатолар сабаб мавсум якунига қадар футболдан четлатилганди. «Пахтакор»га муҳим ғалаба келтиришда «катта хизмат кўрсатган» ҳакамлар масаласи эса ёпиқлигича қолмоқда.
Изоҳ (0)