Исроил олий суди Тель-Авив минимаркетлари ва киоскларига шаббат — шанба кунлари ишлашга рухсат берди. Бу ҳақда TJournal маълум қилди.
Суд шу тариқа 2014 йилда қабул қилинган муниципал қонунни тасдиқлади. Ўшанда шаҳар расмийлари майдони 500 квадрат метрдан кўп бўлмаган 165 та дўкон ва киоскка байрам кунлари фаолият юритишга ижозат берганди.
Олий суд мазкур қонунни апрель ойидаёқ маъқуллаган, бироқ кейинчалик уни қайта кўриб чиқишга юборишга тўғри келганди. Кичик бизнес эгалари қонунга қарши чиққан ва буни бошқа сотувчилардан ортда қолмаслик учун шанба куни ишлашга мажбур бўлишлари билан изоҳлаганди.
«Қарор ‘Яша ва бошқаларга ҳам яшашга имкон бер’ қоидасидан келиб чиқиб қабул қилинган. У дунёвий ёки диний тамойилларга асосланмаган», — таъкидлади Олий суд раиси Мириам Наор.
Изоҳ (0)