АҚШ Конгресси Сенатининг разведка бўйича қўмитаси Америка махсус хизматлари томонидан хорижда кузатув олиб борилиши ҳақидаги қонуннинг амал қилиши 2025 йил охиригача узайтирилишини қўллаб-қувватлади, деб ёзади «ТАСС». Буни ёқлаб қўмитанинг 12 аъзоси овоз берди, уч кишигина қарши чиқди.
2008 йилда қабул қилинган «Ташқи разведка манфаатлари йўлида яширинча кузатув ҳақидаги қонун» разведкага мамлакат ташқарисида ҳам чет элликлар ҳақида маълумот тўплаш имконини беради. Бундай дастурлар мавжудлиги ҳақида Миллий хавфсизлик агентлиги собиқ ходими Эдвард Сноуден 2013 йилда тақдим этган ҳужжатлардан кейин кенг оммага маълум бўлди.
Ушбу қонун Сенатда қўллаб-қувватланаётган бўлса-да, баъзи қонун чиқарувчилар уни америкаликларга қарши қўллаш имконияти борасида шубҳалар билдиришда давом этмоқда.
Шунингдек, қўмита махфий ахборотни тарқатиб юборганлик учун жазони қатъийлаштириш ҳақидаги тузатишни маъқуллади. Унга кўра, бунинг учун жазони ҳозирги бир йил ўрнига ўн йиллик қамоққа ўзгартириш таклиф этилмоқда.
Изоҳ (0)