Anomaly London компаниясининг ижодий директори Мэтью Гай космосга биринчи бўлиб парвоз қилган Фелисетт мушугига ёдгорлик ўрнатиш учун маблағ йиғишни бошлади. Пул йиғиш кампанияси 18 октябрда бошланди, талаб қилинадиган 40 минг фунт-стерлингдан 10 мингини йиғишга муваффақ бўлинган. Бу ҳақда TJournal хабар бермоқда.
Гай пул йиғиш ҳақида Фелисеттнинг космосга парвоз қилганига 54 йил тўлиши арафасида маълум қилди: бортида мушук бўлган ракета 1963 йилнинг 18 октябрда Франциядаги Хаммагир космодромида старт олган. 160 километр баландликда ичида ҳайвон бўлган капсула ракетадан ажралган ва парашут ёрдамида Ерга қайтиб тушган. Кейинги уч ой давомида мушук лабораторияда ўрганилган, шундан сўнг тадқиқотни давом эттириш учун у махсус йўл билан ўлдирилган.
Фелисетт космосга учириш учун тайёрланган 14 та мушук орасидан танлаб олинган.
Гайнинг фикрига кўра, одамлар космосга чиққан биринчи мушук ҳақида бутунлай унутиб қўйган ва фақат шимпанзе ҳамда ит ҳақида эслайди. Унинг хотирасини абадийлаштириш учун Гай Парижда бир ярим метрли бронза ёдгорлик ўрнатишни хоҳламоқда.
Изоҳ (0)