Space Тrack маълумотларига кўра, айни вақтда Ер орбитасида 18 788 та йирик техноген объектлар мавжуд, уларнинг асосий қисмини (12 028 дона) ракета бўлаклари ташкил этади, деб хабар берди National Geographic.
Шу билан бирга, Европа космик агентлигининг маълумотларига кўра, Ер орбитасида ўлчами 1 сантиметрдан катта бўлган 750 мингдан ортиқ объектлар мавжуд.
Космик чиқиндини «ишлаб чиқариш» бўйича МДҲ, АҚШ ва Хитой етакчилик қилади. Шунингдек, кучли бешликдан Франция ва Япония ҳам ўрин олган.
Олимлар космик чиқиндилар ҳақида 1970 йиллардан буён ўйлаб келади. Америкалик астрофизик Дональд Кесслер ўша вақтда сунъий йўлдошларнинг учирилишидан ҳосил бўлган чиқиндилар «Ернинг белбоғи»ни ҳосил қилишини, бу эса яқин коинотдан амалий фойдаланишни тўлиқ яроқсиз аҳволга либ келишини айтган.
Орбитадаги обетларнинг тезлиги сониясига 11,7 километрни ташкил этади, бу эса космик қурилмалар билан тўқнашиш хавфини келтириб чиқаради. 1983 йилда диаметри 1 миллиметрдан кичикроқ бўлган қум зарраси шаттл иллюминаторига урилиб жиддий зарар етказган эди.
Изоҳ (0)