Чеченистон Раҳбари Рамзан Қодировнинг Яқин Шарқ ва Шимолий Африка мамлакатларидаги вакили Зиёд Сабсабий Суриянинг уруш бўлаётган ҳудудларида 15 нафар Россия фуқаросини топиб, уларни мамлакат ҳукумати назорати остидаги ҳудудга етказди, деб ёзади «Газета.ru» Қодировнинг Instagram’ига таяниб.
Озод этилганлар орасида чеченистонлик аёл ва унинг бир ёшдан етти ёшгача тўрт нафар ўғли ҳам бўлган. Уч доғистонлик ва уларнинг етти фарзанди ҳам хавфсиз жойга етказилган.
Қодиров ушбу масалани ҳал қилишда кўмак кўрсатгани учун мудофаа вазири Сергей Шойгу ва Россия Қуролли кучлари бош штаби бошлиғи Валерий Герасимовга миннатдорлик билдирди.
Изоҳ (0)