Суд ижрочилари Россия президенти Владимир Путиндан унга тобут сотиб олиб беришни сўраган Байкалорти ўлкасида яшовчи Анатолий Вертипраховга пенсиясининг ярмини қайтариб беради, унинг ҳисоб варақасига қўйилган хатловни бекор қилади, деб ёзади «РИА Новости».
Суд ижрочилари федерал хизмати маълум қилишича, Оловяннинский туманидаги бўлимда ҳақиқатан ҳам Вертипрахов ва унинг турмуш ўртоғи Людмиладан коммунал хизматлар бўйича 9 минг рублдан ортиқ миқдорда қарздорликни ундириб олиш ҳақидаги ишлар очилган.
Маблағни банк ҳисоб варақасидан 11 октябрь куни ечиб олишган, аммо бошқармадагилар таъкидлашича, суд ижрочилари бу кексаликда бериладиган пенсия эканлигини билмаган. Вертипраховнинг ўзи, уларнинг сўзларига кўра, бу ҳақда бир ҳафтадан кейин айтиб берган.
Эслатиб ўтамиз, суд ижрочилари ҳисобидаги бутун пенсияни олиб қўйгач, Байкалортида яшовчи пенсионер Россия президенти Владимир Путинга хат ёзиб, «бу мамлакатда яшаш имконсиз»лиги туфайли, унга тобут сотиб олиб беришни сўраган ва ҳатто булка нон сотиб олиш учун ҳам пули йўқлигини айтган эди.
Изоҳ (0)