Австриянинг Ландекк шаҳри яқинида 19 ёшли қиз бошқарувидаги юқори тезликда кетаётган Tesla Model бетон тўсиққа урилди. Ҳудуднинг ўт ўчириш бўлинмаси томонидан берилган хабарга кўра, қиз енгил жароҳат олган ва автомобиль ёниб кетишидан олдин ундан чиқиб олишга муваффақ бўлган. Бу ҳақда TJournal хабар берди.
Электрокарни ўчириш учун бешта махсус машина ва 35 нафар қутқарувчидан иборат жамоа йўлга чиққан. Ўт ўчириш департаменти маълумотларига кўра, қутқарувчилар нафас олиш аъзоларининг жиддий ҳимоя воситалари билан қуролланган ва бу каби вазиятлар учун махсус тайёргарликдан ўтган.
Tesla томонидан тақдим этилган қўлланмага кўра, электр автомобилларда ёнғин чиққан тақдирда унинг батареяларини совутиш учун оловни кўп миқдордаги сув билан ўчириш керак. Батареялар токсик газлар ажратиб чиқаради, шунинг учун ўт ўчирувчиларнинг мустақил нафас олиш аппаратларисиз ёнғинни ўчириши мумкин эмас.
Қутқарувчилар компаниянинг яна бир қоидасига амал қилган ҳолда махсус арра билан автомобиль орқа эшигининг бир қисмини кесиб ташлади ва очилган жойдан юқори кучланишли тизимни ҳамда хавфсизлик ёстиқчаларини ўчирди.
Олов ўчирилганидан сўнг ўт ўчириш бригадаси аккумуляторнинг бутун қолган қисми қайтадан ёниб кетмаслигига ишонч ҳосил қилиш учун электрокарни 48 соатли карантинга жойлаштирди.
Изоҳ (0)