Оёқлар оғримаслиги учун боғичларни қандай боғлаш керак?

Боғичи тўғри боғланган ботинка тушиб кетмайди, қавартирмайди, шикастланиш ва қадоқлардан сақлайди, унда юриш ҳам енгиллашади.

Америка ортопедлари уюшмаси боғлашнинг айнан ўзингизга мос бўлган турини қандай қилиб танлашни маслаҳат беришади.

Боғлашнинг оддий бир-бирини кесишиб ўтган услуби ҳаммага мос келади ва у кўп ҳолларда яхши натижа беради. Шунинг учун боғичларни боғлашдан олдин, оёқ кийимни қулай қиладиган асосий қоидаларни эсда сақланг:

1. Кийишдан олдин боғичларни бўшатинг. Биринчидан, оёқни ботинкага қўйиш осонроқ бўлади. Иккинчидан, боғич ўтадиган тешиклар бўшаб қолмайди ва оёқ кийим узоқроқ хизмат қилади.
2. Боғлашни ҳар доим оёқ бармоқларидан бошланг ва боғичларни бирин-кетин бир жуфт тешикдан бошқаси томонга аста-секинлик билан тортинг. «Босқичма-босқич» боғлаш узоқроқ давом этади, лекин оёғингизнинг оёқ кийим ичида қулайроқ жойлашишига эришасиз.
3. Боғич ўтадиган тешиклар кўпроқ бўлган оёқ кийим олинг. Улар қанча кўп бўлса, боғлаш ва оёқ кийимни қулай қилиш усуллари шунча кўпроқ бўлади.

Агар оёқларингизнинг ўзига хос хусусиятлари бўлса, унда бошқа усулларини синаб кўринг.

Оёқ кафти энсиз бўлса

Агар оёқ кафтлари энсиз бўлса, икки қатор тешиклари бўлган ва боғичлар фақат ташқи қатор орқали ўтказиладиган оёқ кийимини танлашга ҳаракат қилинг.

Оёқ кафти кенг бўлса

Кенг кафтлар учун ҳам икки қатор тешиклари бўлган ботинкалар мос келади, лекин оёқлар учун кўпроқ жой қолдириш учун ички тешиклардан фойдаланиш керак бўлади.

Товон тор ва кафти узун бўлса

Иккита боғичдан фойдаланинг. Бирини бармоқларга яқин қилиб ўтказинг ва бўш қилиб боғланг, иккинчисини эса товонга яқин тешиклардан ўтказинг  ва ўзингизга қулай бўладиган қилиб тортинг.

Манба: «Лайфхакер»