Oyoqlar og‘rimasligi uchun bog‘ichlarni qanday bog‘lash kerak?

Bog‘ichi to‘g‘ri bog‘langan botinka tushib ketmaydi, qavartirmaydi, shikastlanish va qadoqlardan saqlaydi, unda yurish ham yengillashadi.

Amerika ortopedlari uyushmasi bog‘lashning aynan o‘zingizga mos bo‘lgan turini qanday qilib tanlashni maslahat berishadi.

Bog‘lashning oddiy bir-birini kesishib o‘tgan uslubi hammaga mos keladi va u ko‘p hollarda yaxshi natija beradi. Shuning uchun bog‘ichlarni bog‘lashdan oldin, oyoq kiyimni qulay qiladigan asosiy qoidalarni esda saqlang:

1. Kiyishdan oldin bog‘ichlarni bo‘shating. Birinchidan, oyoqni botinkaga qo‘yish osonroq bo‘ladi. Ikkinchidan, bog‘ich o‘tadigan teshiklar bo‘shab qolmaydi va oyoq kiyim uzoqroq xizmat qiladi.
2. Bog‘lashni har doim oyoq barmoqlaridan boshlang va bog‘ichlarni birin-ketin bir juft teshikdan boshqasi tomonga asta-sekinlik bilan torting. “Bosqichma-bosqich” bog‘lash uzoqroq davom etadi, lekin oyog‘ingizning oyoq kiyim ichida qulayroq joylashishiga erishasiz.
3. Bog‘ich o‘tadigan teshiklar ko‘proq bo‘lgan oyoq kiyim oling. Ular qancha ko‘p bo‘lsa, bog‘lash va oyoq kiyimni qulay qilish usullari shuncha ko‘proq bo‘ladi.

Agar oyoqlaringizning o‘ziga xos xususiyatlari bo‘lsa, unda boshqa usullarini sinab ko‘ring.

Oyoq kafti ensiz bo‘lsa

Agar oyoq kaftlari ensiz bo‘lsa, ikki qator teshiklari bo‘lgan va bog‘ichlar faqat tashqi qator orqali o‘tkaziladigan oyoq kiyimini tanlashga harakat qiling.

Oyoq kafti keng bo‘lsa

Keng kaftlar uchun ham ikki qator teshiklari bo‘lgan botinkalar mos keladi, lekin oyoqlar uchun ko‘proq joy qoldirish uchun ichki teshiklardan foydalanish kerak bo‘ladi.

Tovon tor va kafti uzun bo‘lsa

Ikkita bog‘ichdan foydalaning. Birini barmoqlarga yaqin qilib o‘tkazing va bo‘sh qilib bog‘lang, ikkinchisini esa tovonga yaqin teshiklardan o‘tkazing  va o‘zingizga qulay bo‘ladigan qilib torting.

Manba: “Layfxaker”