Қандай қилиб самолётда учиш чоғида саломатликка зарар етказмаслик мумкин?
Нафасни қайтарувчи оғир ҳаво, бир неча соат давом этувчи ноқулай ҳолатда ўтириш ва бошқа йўловчилар билан тиқилинчда бўлиш парвоз қилиш чоғида организмга зарар етказиши мумкин.
Фото: Shutterstock
Қуйидаги маслаҳатлар сизга саломатлигингизни сақлашда ёрдам беради.
Биринчи рейсни брон қилинг
Иложи борича биринчи рейсни танланг. Унинг ўз вақтида учиш эҳтимоли каттароқ бўлгани учун сиз узоқ давом этувчи кечиктиришлар натижасида стресс ҳолатига тушмайсиз. Шунингдек биринчи рейсда кўрпа, ёстиқ ва столчалар дезинфекцияланган бўлади.
Тўғри жойни танланг
Авария чиқишлари ёнида жойлашган жойларни фақат аэропортнинг ўзида брон қилиш мумкин. Агар сиз жойингизни алмаштирмоқчи бўлсангиз, яхшиси у ерга учишдан икки соат олдин келганингиз маъқул. Авария чиқишлари ёнидаги жойлар банд бўлса, ўтиш жойи томондаги жойни танланг. Шунда сизнинг қўшниларга халал бермасдан туришингиз осон бўлади.
Учишдан олдин иммунитетингизни мустаҳкамланг
Бир неча юзлаб одамлар нафас олувчи бўғиқ ҳавода кўплаб бактериялар жойлашиб олади. Шунинг учун саёҳат қилишдан олдин иммунитетингиз ҳақида ўйлашингиз керак. Масалан, кўпроқ витаминлар ичиш ва мева, сабзавотлар ейиш.
Мойчечакли чой ичинг
Мойчечакли чой тинчлантирувчи хусусиятга эга ва тезроқ ухлашга ёрдам беради. Агар сиз учишдан қўрқсангиз, ўзингиз билан бир нечта чой пакетчалари олинг ва самолётда дамланг.
Кўп сув ичинг
Учиш вақтида, айниқса сиз қаҳва ичсангиз организм сувсизланади. Самолётнинг ҳавоси қуруқ бўлгани учун кўпроқ сув ичиш керак. Сувнинг ўрнига ўтли чойлардан ичсангиз ҳам бўлади.
Изоҳ (0)