Қандай қилиб уйқудан яхши кайфият билан уйғониш мумкин?

Эрталабки пайтлар ҳаммамиз учун ҳам оғир бўлади. Соат қўнғироғи овозидан уйғониб кетасиз ва кроватда яна бироз қола олмаслигингиздан жаҳлингиз чиқади.

Уорвик университети тадқиқотларининг натижаларига кўра, бахтли одамлар кўпроқ сермаҳсул бўлишар экан. Ва биз ҳам ўзимизни яхши ҳис қилсак, яшаш анча осонлашишини тажрибалардан биламиз.

Эрталабки кайфиятни кўтариш учун, уйдан чиқишдан олдин қуйидаги усулларни синаб кўринг.

1. Машқ қилинг

Машқлар эндорфинлар (кайфиятни яхшилаш билан боғлиқ бўлган миядаги кимёвий моддалар) туфайли сизни тетиклаштиради. 15 дақиқалик унчалик катта бўлмаган машқлар тўплами яхши кайфият учун кўплаб эндорфинларни чиқаришга ёрдам беради.

2. Медитация қилиш учун бир дақиқа ажратинг

Медитация стрессни кетказишга ёрдам беради. Тайёрланиш вақтида медитация қилиш учун тўхтаб олинг. Калифорния университети олимлари медитация пайтида пайдо бўладиган тушуниш стресс гормони — кортизолнинг ишлаб чиқилишини пасайтиришга ёрдам беришини аниқладилар.

3. Табассум қилинг

Жилмайиш, ҳатто зўраки бўлса ҳам, туйғуларимизга ижобий таъсир кўрсатади ва стресс даражасини камайтиради. Юз билан боғлиқ бўлган гипотезаларга кўра, мия жилмайиш учун зарур бўлган юз мушакларининг ўзгаришини ҳиссиётларнинг ижобий ифодаси сифатида қабул қилади. Шунинг учун эрталабки маъюсликни тўхтатиш учун табассум қилинг.

4. Ванил ҳидланг

Ҳидларнинг ҳиссиёт ҳолатига таъсирини текширувчи тадқиқотлар ванилнинг тинчлантириш ва ором олдириш хусусиятлари борлигини исботладилар.

Кроватингиз ёнига ванилли шам ёқиб қўйинг ёки душ учун ванилли восита сотиб олинг.

5. Яқинларингиз суратларига қаранг

Олимлар соғиниш ва ижобий ҳиссиётлар орасидаги алоқани аниқладилар: севгини бошдан кечирган пайтларни эслаш мияни бу ҳиссиётларни қайта такрорлашга мажбур қилади.

Бахтли онларингизни эслаш учун, телефонингизга ўзингизнинг болаликдаги суратларингизни ёки дўстларингиз билан тушган селфиларни ташлаб қўйинг.

6. Углеводлар енг

Яхши углеводларни истеъмол қилиш кайфият узатувчи гормон – серотонин миқдорини оширади. Таркибида триптофан юқори бўлган озиқ-овқатлар: банан, ёгурт, буғдой, тухум ва ёнғоқларни кўпроқ истеъмол қилинг. Бу озиқ-овқатлар сифатли нонушта учун ажойиб масаллиқлар бўлиб хизмат қилади!

Манба: «Лайфхакер»