Қирғизистон президенти Алмазбек Атамбоев 5 октябрь куни давлат ташрифи билан Ўзбекистонга келган эди. Ўзбекистонга ташрифи давомида Алмазбек Атамбоев Президент Шавкат Мирзиёев ҳамроҳлигида Мустақиллик майдонига ташриф буюрди, «Ўзэкспомарказ»да ташкил этилган Ўзбекистон ва Қирғизистон саноат маҳсулотлари кўргазмаси билан танишди, деб хабар берди «Ўзбекистон 24».
Кўксарой қароргоҳида бўлиб ўтган музокаралар якунида Ўзбекистон Президенти Шавкат Мирзиёев Алмазбек Атамабоевга қирғиз халқ эпоси «Манас»нинг ўзбек тилига таржима қилинган китобини тантанали равишда топширди.
Алмазбек Атамбоев асар учун Шавкат Мирзиёевга миннатдорчилик билдириб, ушбу таржима икки халқнинг маънавий мероси эканлигини таъкидлади.
Изоҳ (0)