Фотогалерея: Келажак самолётларининг ички кўриниши

AdMe авиакомпаниялар яқин келажакда ўзларининг самолётларида қўллаши мумкин бўлган замонавий технологиялар ҳақида маълумот тўплаб тақдим этди.

Шахсий кўнгилочар марказ

Кўплаб авиакомпаниялар йўловчиларга барча хабарларни телефон ёки Facebook орқали жўнатишади. Бироқ уларнинг айримлари самолёт лойиҳасига мос келадиган индивидуал кўнгилочар марказ яратиш устида ишламоқда. Ушбу кўнгилочар марказда интернетга уланиш шарт эмас — исталган гаджет самолёт ичидаги локал тармоқда ишлайверади.

Янада каттароқ аудиторияни эгаллаш

Нидерландиянинг AirFi компанияси қисқа авиарейсларни амалга оширувчи авиакомпанияларни махсус ички симсиз тизим билан жиҳозламоқда. Тизим олдиндан тайёрланган контентни йўловчининг қурилмаларига тўғридан тўғри юклаб беради. Бу худди борт журналига ўхшайди, у орқали фильм танлаш, овқат буюртма қилиш ва duty free орқали харидни амалга ошириш мумкин.

Интернет ўрнига виртуал реаллик

Йўловчилар рейслар давомида одатда Netflix ёки Amazon каби кўнгилочар порталлардан фойдаланишади. Кўплаб авиакомпаниялар бундан қочишга ҳаракат қилади, бироқ улар бунинг ўрнига ҳеч нима тавсия қилмайди. Air France-KLM таркибига кирувчи Transavia ҳамда Австралиянинг Qantas каби йирик авиакомпаниялари парвоз пайтида фойдаланиш мумкин бўлган виртуал реаллик технологиясини синовдан ўтказишни давом этмоқда.

VR технологияларга эга суперқулай ўриндиқ

Qantas авиакомпанияси махсус кўзойнаклардан фойдаланган ҳолда виртуал реалликка мўлжалланган қурилмаларнинг бутун бошли комплексини яратди. Парвознинг бу турдаги режими, шунингдек, учишдан қўрқадиганларни хотиржам қилишга ёрдам беради.

Кинотеатрдаги каби ўриндиқлар

Италиянинг Aviointeriors компанияси устида ҳеч ким бўлмаганида автоматик тарзда йиғилувчан ўриндиқларни ишлаб чиқариш ниятида. Эконом-класс учун мўлжалланган ушбу янгилик бутун салон бўйлаб ҳаракатланиш осон бўлишини таъминлайди ва улар кинотеатрдаги ўриндиқлар каби лойиҳаланади. Агарда йўловчилар парвоз вақтида бирорта фильм кўришса, уларда сайёранинг ярмини учиб ўтгандек эмас, шунчаки кино томоша қилишганидек тасаввур пайдо бўлади.

Пилла-ётоқлар

Air Lair’нинг асосий инновацияси — ўриндиқлар ўрнига пилла-ётоқларни жорий этиш. Саёҳатчилар ёруғлик, овоз ҳамда ҳароратни бошақариш мумкин бўлган ушбу хоналарда ўзларини жуда яхши ҳис қилишади.