АҚШнинг Qualcomm компанияси Хитойда iPhone ишлаб чиқаришни тақиқлашни талаб қилди. Компания даъво аризасига кўра, Apple ишлаб чиқариш жараёнида бир қатор патентларни бузмоқда. Бу ҳақда «Коммерсантъ» хабар берди.
Унга кўра, iPhone смартфонларини ишлаб чиқариш жараёнида Qualcomm томонидан яратилган технологиялар қўлланилмоқда, бироқ Apple бунинг учун ҳақ тўламаяпти.
Гап сенсорли экранларда ва қурилманинг энергия истеъмолини бошқариш тизимларида қўлланилган технологиялар ҳақида бормоқда.
Qualcomm компанияси вакили Кристин Тримблнинг сўзларига кўра, бу Apple фойдаланаётган ва ҳуқуқий жиҳатдан Qualcomm’га тегишли технологияларнинг бир қисми, холос.
Bloomberg маълумотларига кўра, Qualcomm’нинг Apple’га қарши даъвоси 29 сентябрь куни судга топширилган ва суд ҳужжатлари ҳали эълон қилинганича йўқ.
Qualcomm компанияси июль ойида Apple устидан АҚШнинг Халқаро савдо бўйича федерал комиссиясига шикоят қилган эди. Ўшанда компания Apple’ни олтита патентдан ноқонуний фойдаланишда айблаб, iPhone’нинг АҚШга импорт қилинишини тақиқлашни тала этган эди.
Изоҳ (0)