Махачқалъада яшовчи Ҳамид Магомедов ҳаётини хавф остига қўйиб, газ қамалиб қолган уйдан аёл ва унинг 4 нафар боласини қутқаришда ёрдам берди. Бу ҳақда Россия ФВВ Жанубий минтақавий маркази маълум қилди, дея хабар беради «РИА Новости».
«Тунги соат 3 да Ҳамид кўчада кимнидир ёрдам сўраб ёлворишидан уйғониб кетди. Иккинчи қаватдаги уй деразасидан аёл киши ‘уйда газ, болаларим ўляпти, ёрдам беринғ, деб қичқираётганди. Эркак уй бекасини чироқни ёқмаслик ҳақида огоҳлантириб, нарвон ёрдамида иккинчи қаватга кўтарилди ва икки болани олиб, кўчага олиб чиқди. Шундан сўнг яна кўтарилиб, болаларнинг каттасини қутқарди», — дейилади марказ хабарида.
10 ойли боласи бўлган аёлга дераза орқали чиқишида ёрдам берилди.
Ҳодиса Махачқалъада 1 октябрь куни рўй берди, бироқ бу ҳақда икки ҳафтадан сўнг, 17-октябр, сешанба куни маълум бўлди.
ФВВ декабрда Ҳамид Магомедовни тақдирлайди: унга миннатдорлик мактуби ва совға тақдим этилади.
Изоҳ (0)