Берлин суди 88 ёшли Урсула Хафербекни холокостни инкор этгани учун 6 ой қамоқ жазосига ҳукм қилди. Бу ҳақда Deutsche Welle хабар берди.
Хафербек 2016 йил январида оммавий тадбирда холокост, яъни яҳудийлар қирғини бўлмагани, Освенцим конслагерида эса газ камералари фаолият кўрсатмаганини даъво қилганди.
Унинг адвокати кекса аёлнинг суд орқали таъқиб қилиш фикр билдириш ҳуқуқининг бузилиши эканини билдирди. Хафербекнинг ўзи айтганлари китобдан олинган иқтибослар эканлигини таъкидлади ва уни суд залида кўрсатди.
Шундай бўлса ҳам, суд аёл томонидан айтилган гапларни унинг ўзига тегишли фикрлар деб ҳисоблади ва 6 ой қамоқ жазосига ҳукм қилди.
Қайд этиш жоизки, Урсула Хафербекка жорий йил август ойида ҳам нацистлар тузуми жиноятларини инкор этгани учун 2 йил қамоқ жазоси берилганди. 2015 йилдан бери у камида 5 маротаба озодликдан маҳрум этилди, бироқ ҳар гал улар юзасидан шикоят йўллагани учун кучга кирмасди.
Изоҳ (0)