Қирғизистон ҳукумати 17 октябрь, сешанба куни Бутунжаҳон савдо ташкилоти котибиятига Қозоғистон билан чегарада юзага келган вазият юзасидан расман мурожаат қилди. Бу ҳақда K-News хабар бермоқда.
Ҳукумат матбуот хизматига кўра, мурожаатга Қозоғистон томонидан тарифлар ва савдо тўғрисидаги бош келишув ҳамда Бутунжаҳон савдо ташкилотини таъсис этиш ҳақидаги келишув меъёрлари бузилиши сабаб бўлди.
«Қозоғистон 10 октябрдан бошлаб тўсатдан Қирғизистон—Қозоғистон ва Россия—Қозоғистон давлат чегараларида қўшимча назорат чораларини жорий этди. Шундан сўнг энг йирик ва гавжум ‘Ак-Жол’ ва ‘Ак-Тилек’ ўтказиш пунктларида Қирғизистондан кишилар ва транспорт воситаларининг кунлик ўтиш оқими 2,4 маротаба қисқарди», — дейилади мурожаатда.
Матбуот хизмати Қирғизистон қўшни давлат каби БСТнинг тўлақонли аъзоси эканлиги ва халқаро ташкилот доирасида ўз ҳуқуқларини тўлиқ ҳимоя қилишини қайд этди.
Изоҳ (0)