АҚШнинг Ўзбекистондаги элчихонаси Грин карта учун қайтадан рўйхатдан ўтиш бошланаётганини маълум қилди
АҚШнинг Ўзбекистондаги элчихонаси техник сабабларга кўра, DV-2019 (Грин карта) учун қайтадан рўйхатдан ўтиш бошланаётганини маълум қилди, шунингдек, тез-тез сўраладиган саволларга жавоб берди.
«2017 йил 18 октябрга қадар ариза берган иштирокчи ўз аризалари кўриб чиқилиши учун уларни қайтадан топшириши лозим. Бу борадаги ноқулайлик учун иштирокчилардан узр сўраймиз. Ҳаққонийликни таъминлаш ва барча манфаатдор томонлар учун жараённинг яхлитлигини ҳимоя қилиш мақсадида биз бу йилги (DV-2019) ариза топшириш жараёнини қайтадан бошлашимиз шарт», — дейилади хабарда.
DV-2019 учун электрон ариза топшириш даври 2017 йил 18 октябрь, сешанба кундуз соат 11:00 да бошланиб, 2017 йил 22 ноябрь, чоршанба кундуз соат 11:00 да тугайди.
Агар сиз 2017 йил 18 октябрдан аввал ариза топширган бўлсангиз, у ариза кўриб чиқилмайди ва сиз янги ариза топшириш даврида бошқа ариза юборишингиз лозим.
Сиз бир неча ариза тақдим этиш учун дисквалификация қилинмасдан битта янги ариза топширишингиз мумкин. Янги ариза топшириш даврида биттадан ортиқ ариза топширган шахслар дисквалификация қилинади.
Ариза топширувчилар электрон ариза шаклига рўйхатдан ўтиш даврида расмий вебсайт, яъни dvlottery.state.gov да киришлари мумкин. Шунингдек, Давлат департаментининг usvisas.state.gov/dv/instructions вебсайтида дастур бўйича йўриқнома мавжуд.
Мувофиқлик борасидаги бошқа барча талаблар ўзгаришсиз қолган.
2018 йил 15 майдан бошлаб, 2019 йил дастурига ариза топширганлар рўйхатдан ўтиш пайтида тақдим этилган алоҳида тасдиқлов рақамини ариза мақоми онлайн текшириладиган dvlottery.state.gov вебсайтига киритиб, танлаб олинганми ё йўқлигини текшириб кўришлари мумкин бўлади. Ариза мақомини текшириш бўлими муваффақиятли ариза топширувчиларга ўзлари ва оила аъзолари учун грин картага қандай мурожаат қилиш тўғрисида маълумот беради. Давлат департаменти виза интервьюси учун учрашувни ҳам Ариза мақомини текшириш бўлими орқали тасдиқлайди.
Тез-тез сўраладиган саволлар:
Савол: Техник сабаблар билан боғлиқ муаммо нима дегани? Топширилган аризалар йўқолганми? Бунга хакерлар сабачими?Жавоб: Техник муаммо шуки, ариза топширган иштирокчи ўзи туғилган мамлакатдан бошқа мамлакатни танлаб, ўзи мувофиқ келадиган мамлакатни ҳисобга олмаслигидир. Бунга айрим чекланган ҳолатларда рухсат берилади. Техник муаммога қандайдир ташқи аралашув ё хакерлик ҳужуми сабаб бўлмаган.
Савол: Бундай техник муаммо туғилишидан аввал нечта ариза келиб тушган?
Жавоб: Техник муаммолар сабабли, биз айни пайтда нечта тўғри киритилган ариза келиб тушганини айта олмаймиз. Жараённнинг яхлитлигини ҳимоя қилиш ҳамда ҳаққоний имкониятни таъминлаш мақсадида биз ҳозир янги ариза топшириш жараённи бошламоқдамиз.
Савол: 2019 йилда Департамент нечта ариза топширилишини кутмоқда?
Жавоб: 2018 йил учун эълон қилинган дастурда, яъни ўтган йили биз асосий ариза топширувчилардан 14 миллиондан ортиқ ариза олдик.
Савол: Департамент аризаси ҳақиқий деб топилмаган ариза топширувчиларни қандай хабардор қилади?
Жавоб: Департамент 2017 йил 18 октябрга қадар ариза топширган ҳар бир шахсга лотерея ўйнаш пайтида тақдим этилган электрон почта орқали автоматик хабарнома юбориб, уларни dvlottery.state.gov вебсайтида муҳим эълон борлигини текшириш учун йўналтиради. Биз ижтимоий тармоқлар ва маҳаллий ОАВдан фойдаланиб, потенциал ариза топширувчиларни вазиятдан ва рўйхатдан ўтишнинг янги даври бошланганидан бохабар қилиш мақсадида ўзимизнинг элчихона ва консулликларимиз орқали ҳам иш олиб борамиз.
Савол: Бу 2019 йилдаги грин карта жараёнини орқага сурадими?
Жавоб: 2019 йил дастури учун аризаларни танлаб олиш 2018 йил 15 майдан бошланади.
Айни пайтда 2019 йил дастурида бирор кечикиш бўлиши кутилмаяпти.
