ИШИД террорчилик ташкилотининг Суриядаги асосий таянчи бўлган Раққа шаҳри жангарилардан бутунлай озод этилди. Бу ҳақда Al Arabiya’га таяниб, «Коммерсантъ» хабар берди.
Телеканал билан суҳбатлашган манбанинг сўзларига кўра, шаҳарда қолган жангарилар «Сурия демократик кучлар» қуролланган коалицияси отрядларига таслим бўлган.
Бундан олдин Россия ҳарбий идоралари Сурия ҳудудининг 92 фоиздан ортиғи жангарилардан озод этилгани ҳақида хабар берган эди. Раққани озод этиш ҳаракатлари июнь ойида бошланган.
Ўша вақтда мутахассислар Сурия ва Ироқдаги амалга оширилган шу турдаги операциялардан келиб чиқиб, шаҳарни озод этилиш ишлари бир неча ой давом этишини маълум қилган эди.
Бироқ июль ойидаёқ АҚШ Раққанинг 30 фоизи ИШИД жангариларидан тозалангани ҳақида хабар берган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)