АҚШ Молия вазирлиги Эрон фуқаролари ва ташкилотларига нисбатан ўз санкцияларини кенгайтирди, деб хабар берди «Коммерсантъ».
Санкцияга учраган Эрон компаниялари рўйхатидан Fanamoj, Rastafann Ertebat Engineering Company ва Shahid Alamolhoda Industries, шунингдек, Wuhan Sanjiang Import And Export Company Хитой фирмаси ҳам ўрин олган. Бундан ташқари Эроннинг Исломий инқилоб соқчилар корпусига ҳам сакциялар жорий этилган.
Аввалроқ, АҚШ давлат котиби Рекс Тиллерсон АҚШ президенти Дональд Трамп Конгрессга Эронга қарши санкцияларни қайта тиклаш таклифини бермаслигини маълум қилганди.
Кейинроқ Дональд Трамп ўзининг Эрон муммоси ечимига қаратилган янги стратегиясини маълум қилади. Америка ОАВларининг маълумотларига кўра, у ядровий дастур бўйича Қўшма ҳаракатлар режасидан чиқишни эълон қилмайди, аммо айни пайтда Теҳрон билан 2015 йилда имзоланган келишувларнинг бажарилишини ҳам тасдиқламайди.
Изоҳ (0)