Буюк Британия парламентига 24 июнда уюштирилган хакерлик ҳужуми учун жавобгарлик Эрон зиммасида. Бу ҳақда ҳукуматдаги манбаларга таяниб, Daily Telegraph нашри маълум қилди, дея хабар беради «Коммерсантъ».
Дастлаб парламент компьютер тармоғига ҳужум ортида Россия турганлиги тахмин қилинганди, бироқ разведка бунга Эрон алоқадор эканлиги ҳақидаги хулосага келди.
Депутатлар ўшанда бир суткадан ошиқ электрон почтадан фойдалана олмаганди.
Киберҳужум сабаблари номаълум, бироқ газета экспертлари уни Ислом инқилоби қўриқчилари корпуси Эрон атом қуролини ишлаб чиқишни давом эттириши учун ядро келишувини йўққа чиқариш мақсадида амалга оширганини тахмин қилади.
Изоҳ (0)