Uzmobile миллий мобил алоқа оператори Ўзбекистон Ёшлар иттифоқи билан ҳамкорликда махсус ижтимоий лойиҳа — янги «Ёшлар» тариф режасини тақдим этди. Бу ҳақда мобил алоқа оператори ахборот хизмати хабар бермоқда.
Лойиҳанинг асосий мақсади Ўзбекистондаги барча ёшларни Ватанга муҳаббат ва ватанпарварлик руҳида бирлаштиришдан иборат.
Мазкур тариф режасининг жорий этилиши Ўзбекистон бўйича миллионлаб ёшларга бир тармоқда бирлашиш, ҳақиқатдан ҳам ёшлар учун сифатли ва хамёнбоп нархдаги алоқа имконини беради. Тариф режа ичида мулоқот бепул.
Унга уланишнинг ягона шарти Ўзбекистон Ёшлар иттифоқига аъзолик бўлиб ҳисобланади.
«Ёшлар» тариф режаси абоненти ҳар ой ўз ҳисобини беш минг сўмга тўлдириб бориб, тармоқ ичида бепул мулоқот қилиш имконига эга бўлади, тармоқ ичида ва Ўзбекистон бўйлаб чиқувчи алоқанинг 1 дақиқаси – 25 сўм, 1 мегабайт интернет – 25 сўм, 1 халқаро SMS– 500 сўм. Барча кирувчи қўнғироқлар бепул.
Изоҳ (0)