ЖЧ—2018 саралашини муддатидан олдинроқ муваффақиятли якунлаган ва ҳар икки ўйинда ҳам Самвел Бабаян бошқарувидаги Ўзбекистон миллий терма жамоасини мағлуб этган Эрон, ўртоқлик ўйинида Россия билан дуранг ўйнади.
Карлуш Кейруш жамоаси Қозон шаҳрида меҳмон бўлди. Фаолиятининг катта қисмини шу шаҳарда ўтказган ва Россия Премьер-Лигасида тўп сурадиган форс футболчиси Сардор Азмун ҳисобни очган ўйинда, ЖЧ мезбони Россия мағлубиятдан аранг қутулиб қолди — 1:1. Қайд этиш керак, форслар ЖЧ саралашининг ҳеч бир ўйинида мағлуб бўлмаганди.
Аввалроқ Россия термаси Москвада Жанубий Кореяни қабул қилиб, 4:2 ҳисобида устун келганди.
Изоҳ (0)