Хитойлик тадқиқотчилар гуруҳи сунъий интеллектларнинг турли тизимларини таҳлил қилиб, Siri сервиси улар орасида энг «аҳмоқи» деган хулосга келди. Бу ҳақда Business Insider’га таяниб, «РИА Новости» хабар берди.
Олимлар сунъий интеллект тизимларини таққослаш натижасида Google IQ сервисининг даражаси 43,7 балл эканлигини аниқладилар. Ундан кейинги ўринлардан Baidu (33), Microsoft’s Bing (32) ва ниҳоят Siri (24) жой олди. Таъкидланишича, Google’нинг етакчилигига қарамай, сервис инсон интеллекти даражасига етгунига қадар ҳали анча узоқ йўлни босиб ўтиши лозим. Ўрта статистик маълумотларга кўра, 6 ёшли қизалоқнинг IQ’си 55,5 баллни ташкил этади.
Siri — Apple компаниясининг iOS, wаtchОs ва mаcОS тизимлари таркибига кирувчи дастурий ёрдамчи. Корпорация ушбу дастурдан биринчи бор 2011 йили iPhone 4s смартфонида фойдаланган.
Изоҳ (0)