Австралия ва АҚШ олимлари яра четларини ёпиштириш, ўпка ёки артериялар каби энг юмшоқ ва нафис тўқималарни ўзаро бириктиришга қодир биологик «суперелим» яратди. Бу ҳақда Science Translational Medicine журналида чоп этилган мақолада маълум қилинди, дея хабар беради «РИА Новости».
«Мазкур елим қўлланадиган соҳаларнинг чеки йўқ: жанг майдонида ёки турли фалокатлардан сўнг яраларни ёпиштиришдан тортиб клиникалардаги турли мураккаб жарроҳлик операцияларигача. Биз у бошқа елимлар ёрдамида ҳал этиб бўлмайдиган муаммоларни бартараф этиши мумкинлигини кўрсатдик. Одам билан боғлиқ тажрибаларга киришишга тайёрмиз ва MеТrо яқин орада кишилар ҳаётини қутқаришни бошлашига ишонамиз», — деди Сидней университети вакили Энтони Вайсс.
Тадқиқотчилар мазкур елимни сичқон ва чўчқалардаги тажрибалар давомида синаб кўрди ҳамда шикастланган артерия ва ўпкаларни ёпиштиришда фойдаланди. Икки ҳолатда ҳам елим тўлиқ сўрилганидан сўнг яра буткул битиб кетди ва барча операция қилинган жониворлар омон қолди.
Биологлар яқин орада шундай тажрибаларни кўнгиллиларда ўтказишга рухсат олишлари ва бу MеТrо’ни клиник амалиётда қўллаш учун йўл очишига умид билдирмоқда.
Изоҳ (0)