Кимё бўйича Нобель мукофоти швейцариялик Жак Дюбоше, британиялик Ричард Хендерсон ва америкалик олим Йоахим Франкка «юқори аниқликдаги криоэлектон микроскопни ривожлантиргани учун» топширилди, деб хабар берди «РБК».
Нобель қўмитасининг пресс-релизида таъкидланишича, Дюбоше, Хендерсон ва Франкнинг тадқиқотлари биомолекулалар визуализациясини соддалаштириш ва яхшилашда ёрдам беради. Олимлар устида иш олиб борган криоэлектрон микроскопия «биокимёни янги даврга олиб чиқади».
«Илмий ютуқлар кўпинча инсон кўзига кўринмайдиган нарсаларнинг муваффақиятли визуализациясига асосланган эди. Бироқ «биокимёвий хариталар» узоқ вақтга қадар бўш ётган. Криоэлектрон микроскопия ушбу ҳолатни ўзгартиради», — дея ўз қарорига тушунтириш беради Нобель қўмитаси.
Эндиликда тадқиқотчилар биомолекулаларни ҳаракат вақтидаёқ қотириб қўйиши ва биринчи бор кўплаб жараёнларни визуаллаштириши мумкин. Бу нафақат кимё ҳаётини тушуниш, балки фармацевтик дори воситаларининг ривожланишида ҳам муҳим аҳамият касб этади.
Мукофот 10 декабрь куни топширлади. Нобель мукофотининг 2017 йилдаги пул маблағи 9 миллион швед кронасини (1,1 миллион доллар) ташкил этмоқда.
Изоҳ (0)