Жаҳон банки: Ҳар йили дунёда 100 млн киши тиббий хизматлар нархи баландлиги сабабли қашшоқлар сафини тўлдирмоқда

Дунё бўйлаб 400 миллионга яқин киши асосий тиббий хизматлардан фойдаланиш ҳуқуқидан маҳрум. Бу ҳақда Жаҳон банки директори Жим Ён Ким журналистлар билан суҳбат чоғида маълум қилди, дея хабар беради «ТАСС».

«400 миллион киши асосий тиббий хизматлардан фойдаланиш имкониятига эга эмас, 100 миллион киши эса соғлиқни сақлаш хизматлари қиймати юқорилиги сабабли ҳар йили қашшоқлар сафини тўлдирмоқда. Сайёрамизнинг камбағал аҳолисининг учдан биригина ижтимоий ёрдам олмоқда. Агар ҳеч қандай ҳаракат қилмасак, 2030 йилга келиб 167 миллион бола қашшоқликда яшайди», — деди Жаҳон банки банки раҳбари.

Жим Ён Кимга кўра, бугунги кунда 155 миллион бола ривожланишдан ортда қолган ва рисоладагидек ўқиш ҳамда ишлаш имкониятидан маҳрум.